Президент Қасым-Жомарт Тоқаев Алматы облысына жұмыс сапары барысында G4 City жобасымен танысты.

Осы жоба аясында Алматы-Қонаев автомагистралінің бойында төрт заманауи тақырыптық аудан салынады: Gate District, Golden District, Growing District және Green District.

Әр ауданның өз мамандығы болады. Gate District кластері – бизнес және қаржы орталығы, Golden District – білім беру және медициналық хаб болады. Growing District сауда-логистикалық және инновациялық-индустриялық аймақты орналастырады. Келешекте Green District мәдениет және демалыс орталығында курорттық кешен, құмар ойындар индустриясы объектілері мен тақырыптық саябақтар салу көзделген.

Болашақта G4City 2,2 миллионға дейін адам тұратын интеграцияланған қала ретінде дамиды. Шетелдік инвесторларды тарту мақсатында қалада ерекше экономикалық аймақтар құру және жаңа халықаралық әуежай салу жоспарлауда.

Мемлекет басшысы бұл жоба көптен бері талқыланып келе жатқанын еске салып, инвесторлардан оны іске асыру мерзімдерін нақтылады.